؟؟من يستاهل التضحيه؟؟

عايله بو خالد عووده بمعنى الكلمه في البلد .. ومعيش عياله بأرقى مستوى بس قعدته معاهم قليله وعنده 4 عيال بنتين وولدين (خالد وعبدالرحمن وشوق و عنود)نعرفكم عليهم..
خالد اكبر واحد فيهم ويشتغل بشركه ابوه وعمامه..والمعتمد علي يعني (ريال البيت)
وعبدالرحمن بالجامعه وطبعا هامل دراسته و يا مجابل النت وطالع ويا الربع..
و عنود اففف دفاشتها تغطي السما ما تقولون بنت طول الوقت معصبه على اخوانها وطايحه فيهم وغشمرتها ثقيله مثل ويهها لكن شكلها حلو وشعرها طويل بس اهي تقصه ما تخلي..واهي بالتوجيهي

انيي حق شوق البريئه الله يسلمكم شوق هاذي بنيه هاديه ناعمه ووبريئه وحساسه والمدللـه عند ابوها واخوها خالد بالذات.. حمطاويه وشعرها اطول من عنود يعني نازل لي تحت ظهرها.. عكس عنود كلش ولما تدخلون غرفتها تبين برائتها ونعومتها وقطوتها الصغيرة الريشيه ميمي (مايلي)بس اهيه تدلعها اخر دلع تبرز لها البانيو والاكل و مكان نومها يعني ما تفارقها واللي ما يبي يده كل يمدها لها.. واهي في ثاني اعدادي

المهم اليوم اجازة الويك اند وشوق متملله وقاعده على الابتوب وميمي على حظنها وتكلم غزلان رفيجتها..

شوق:غزلانو متملله
غزلان:حده شرايج اتيين بيتنه اليوم
شوق :لالا استحي ايي
غزلان:وانتي كل ما قلت لج شي قلتي استحي اففف الحيا يذبح
شوق:والله استحي شلون تبين ادخل بيتكم ..امبي لا فشيله
غزلان:اي بس تمي استحي علينا ومللينا زود
شوق:اووو غزلانو لا تقعدين تعصبين والله
غزلان :انزين شرايج نطلع نروح نتعشى اي مكان انا وانتي
شوق:وين يعني
غزلان:يعني نروح نتعشى في رنديفو اللي في السيف
شوق:امممم اوكي
غزلان:اوكي
شوق:اوكي انا بامر عليج
غزلان :اممممم لالا باقول حق اخوي في طلعته يوصلني
شوق:على الساعه جم يعني
غزلان:سبع ونص.. نتمشى هناك وعقب نروح انتعشى..امم هلون
شوق:اوكي عيل
غزلان:يلا سي يو
شوق:اوكي ما فريند
غزلان:لو سمحتي
شوق:نعم
غزلان:ممنوع اصطحاب القطاوة
شوق ليش حرام علشان يمللونها حماني وعنود..
غزلان:صكي عليها الباب واخذي المفتاح..
شوق:اوكي..
غزلان:اوكي يلا اجوفج بعدين

نروح حق عنود..عنود الله يسلمكم قاعده ويا عبدالرحمن في الغرفه وهواش وعفيسه..وسمعت شوق صراخهم وركضت غرفه عبدالرحمن دخلت عليهم ..

شوق واهي شايله ميمي:امبييي شفيكم خرعتوني
عنود وعبدالرحمن ميتين من الضحك:هههههههههههاي ما فينا شي نلعب ..حرام
شوق:لا مو حرام بس حرام تخرعون ميمي
عبدالرحمن:عطينا ام قفاج انتي وميمي يلا بررررررع
شوق:ليش ابي اقعد معاكم متملله
عنود:روحي حق صديق عمرج خالد اكا قاعد ويا ابوي تحت..يلا صكي الباب وراج
حست شوق انها مرفوضه بينهم وطلعت ..نزلت ولقت خالد وابوها قاعدين يطالعون التلفزيون....

شوق:هاي بابا
بوخالد:هلا والله هلا بشوشو ..وحشتيني تعالي
راحت قعدت يمه ..خالد:هلوو نحن هنا
شوق:اصلا انا ما احاجيك
خالد:افا ليش عاد كل شي ولا زعل شوشو
شوق:لانك وعدتني تطلعني يوم الاربعاء وما طلعتني
خالد:بووووو نسيت سوري شوق اليوم باطلعج
شوق :لا اليوم انا باطلع ويا غزلان السيف
بو خالد:اي عاد لا يلعب بعقلج واحد من هالحثاله
شوق:لالا بابي اصلا انا مو من طبعي هالساخافات
خالد:ادري فيها شوشو اختي مو سهله
ابتسمت وشوق ونزلت راسها تطالع قطوتها ..
مد يده خالد عشان بيلمس القطوة :الا شخبارها مـ.....
ميمي مدت يدها عشان تطق خالد:ميااااااااااااااااااو
شوق:ههههههه لانها زعلانه عليك واهيه حاسه فيني
خالد:بل بل بل بل شنو ذي هاي قطوة ولا ذيب ما يسوى علي مده اليد ذي
بوخالد:اصلا مايلي معروفه ما ترضى على شوشو هههه
الا عنود وعبدالرحمن نازلين ركييض ورا بعد.....

عنود:تعال يا الجلب والله ان صدتك بتجوف شي عمرك ما جفته
عبدالرحمن:انتي صيديني اول وعقب سوي اللي بتسوينه هههههاي..
ولما كان عبدالرحمن يركض دعم المزهريه وانكسرت ...

بوخالد يصارخ على ولده:حمانوو
عنود:خخخخخ صادووه
عبدالرحمن :اراويج..هلا يبه
بوخالد:شفيك انت اعقل
عبدالرحمن:انشالله
بوخالد:جوف شكسرت احين كبر عقلك شوي
عبدالرحمن يتغشمر مع ابوه:يبه الاغراض تروح وتيي الصحه ما ترجع(حابس ضحكته)
عنود:طاع من يتكلم
بوخالد:بس يلا سكتو ثنينكم
شوق:اوكي بابي انا احين باروح ابرز عشان باطلع
عبدالرحمن:على وين البرنس انشالله
شوق:باروح السيف
التفت عبدالرحمن على عنود واهو ناوي على شي والتفتوا ثنينهم على القطوة..
عبدالرحمن وعنود:الله وياج
راحت شوق غرفتها وسبحت قطوتها واهي بعد وتكشخت وفلت شعرها وحطت في ريشه على فراشه عليها فصوص وطلعت وطبعا ما نست تقفل الباب عن التعذيب وخذت المفتاح...

وراحت سلمت على ابوها وطلعت..ولما تأكدوا( يأجوج ومأجوج )انها ركبت الدريول وطلعت تماما من البيت بدت العمليه الخطيرة ..لكن فشلت عمليتهم لانه الباب مقفول وتمو يدورون المفتاح لي ما يأسوا واعتبروا خطتهم فاشله...

وفي السيف..

غزلان:تعالي ندخل هاي المحل شكله عنده اشياء حلوة
دخلوا وتم يطالعون الاغراض ..ولفت نظر شوق سلسلتين عليهم قلب مقسون نصين عجبتها وشرتها وشرت اغراض ثانيه...

غزلان:الاااااي شوقو جوفي النفنوف الوردي اللي هناك
شوق:اي واايد ناعم
غزلان:شرايج نطقم
شوق:امممم اوكي
غزلان:عيد ميلاد ريمو جرب نلبسه وانتي؟
شوق:اي اي بيصير كيوت
شروا النفنوف وكانت في الوان غير الوردي لكن شوق تحب هاللون وتقريبا الوان ثيابها كلها بهاللون واذا غيرت صار بنفسجي فاتح..طلعوا ولما كانوا يمشون الفتت غزلان ورا لانه لفت نظرها محل وكانت بتدخل..لكن كان في صبيان يلاحقونهم من جذي هونت وما عطتهم ويه...

غزلان بصوت مخفض حده:شيبون ذلين حق الاذيه وعوار الراس
شوق:من؟
غزلان:اللي ورانا
توها بتلتفت عليهم (غزلان):لاتلتفتين عقب بيحسون وبيزيدون بس خليهم يولون
شوق:ما عندهم سالفه
غزلان:متفرغين حدهم

رن تلفون شوق:هاي بابي اكيد بيسال اذا وصلت ولا لا..(الو..هاي بابا..اي قاعدين نتمشى ونجوف المحلات ..اوكي دادي..ثانكس..سي يو..اي لوف يو تو ..باي)
غزلان: وي هاي من صجه قاعد يقط نقزات..
شوق:خل يولي لا تعطينه ويه السخيف

وفي البيت...

عبدالرحمن:يبه انا باطلع ويا ربعي السيف اوكي
بو خالد:شفيكم ما في الا هالمجمع..اختك هناك..وانت بتروح ..وبعد شوي بعد بتييني عنودو بتقول لي باروح هناك
عبدالرحمن:عادي يبه مجمع سينما ومحلات واشياء اكيد الكل بيروح
بوخالد:عاد لا تضايقها هناك وخلها تستانس ويا رفيجتها واذا تبي شي عطها وان اشتكت لي منك يا ويلك
عبدالرحمن:بوووووووو كل ذي عشان بس لا تتضايق هالياهل ...هه والله حاله المهم يلا يبه انا ماشي
خالد:الله وياك ولا تضايق اختي خخخخخ
عبدالرحمن:بايننها ههههه..يلا فمان الله
طلع وركب سيارته الدفشه وشغل الاغاني على حدهم اللي مو فاهم ولا كلمه منهم... واول ما وصل هناك تلاقى ويا ربعه...

عبدلله:هلا بو حمان شخبار
عبدالرحمن:هلا هلا اوكي وانتوا شخباركم
محمد:هلا كلنا تمام توك ياي انت جان خذت راحتك بعد شوي
عبدالرحمن واهو يقعد ويحط ريل على ريل :والله باتأخر بايي من وقت باتمشى بازحف كيفي (يحط صبعه على راسه)
عبدالله:انزين تعال باراويك وحده صاروخ تطيح الطير من السما
عبدالرحمن:ههه وانت ما تيوز بسك لا وعاد ياريت يرقم بس يتم يطالع ويتطنزهههاي
عبدلله:يلا بنجوف جان تقدر ترقم وحده منهم اذا فيك خير..غير ما تصفقك بأثقل شي عندها
عبدالرحمن:اعتبره تحدي؟
عبدلله:اكيد
عبدالرحمن:اوكي بنجوف يلا راوني وينهم
عبدلله يأشر:اكاهي ذيج اللي لابسه برمودا بيظه ورفيجتها داخل المحل
عبدالرحمن:والله عندك ذوق انت بعد
عبدلله:يلا روح راونه براعتك

جافها عبدالرحمن وراح لها..

البنت تنادي صاحبه المحل:لو سمحتي بجم هاي الخاتم
سحب عبدالرحمن الخاتم من عندها: ما يغلى عليج انتي لو تبين المحل بكبره ما يغلى على عيونج
مشت عنه وراحت حق رفيجتها:جفتي الوقح شسوى
رفيجتها:من ذي
البنت:سحب الخاتم من يدي وتم يقط حجي بايخ مثله
رفيجتها:وينه
البنت اكاهو واقف هناك ..التفتت علي وانصدمت:عبدالرحمن
عبدالرحمن منصدم:شوق..وطلع برع المحل على طول
شوق تسال غزلان:هاذي
غزلان:اي ليش تعرفينه؟
شوق:سوري اذا ضايقج ..لانه اخوي اللي اكبر مني..سوري(نزلت راسها وحدها منحرجه)
غزلان:لالا عادي بس انسي السالفه

وعبدالرحمن ليلحين مصدوم..

بنجوف البلوة شبتسوي في حماني

باجوف الردود عشان اكمل